Tapirido

En praga bestĝardeno naskiĝis la 19-an de majo 2015  ido de tapiro sudamerika. La tapirido estas ĉarma knabeto kun stria pelteto.

La patrino estas 15-jaraĝa tapirino Ivana kaj la patro 12-jaraĝa tapiro Tex.

La ido naskiĝis rapide kaj senprobleme kaj la patrino tuj komencis zorgi pri ĝi.

La patro Tex estas tre fiksita al  Ivana kaj pro tio laboristoj de la bestĝardeno decidis, ke ĉiuj post la nasko restos en komuna ejo. La patro dekomence kondutas al la ido tre trankvile.

Ivana jam antaŭe sukcese naskis du idojn, kiuj bonafartas kaj ŝajnas, ke ankaŭ ĉi foje ĉio estos en ordo.

Vlasta