HELPU HELPI 2024

HELPU HELPI 2024

La 31-an de julio 2024

Prago

Venu kun ni jam la dek unuan fojon partopreni

“Projekton BRIKO”

kaj samtempe fari reklamon por

Esperanto!

“Projekto BRIKO” (ĉeĥe “Akce cihla”), ekzistas jam dudek kvar jarojn. Ĝi sukcese helpas al menshandikapuloj integriĝi, ĝi kreas por ili stud- kaj labortrejnadcentrojn.

La subtenon eblas fari pere de aĉeto de briko(j), sur kiu(j) oni povas desegni aŭ skribi laŭplaĉe kaj poste la brikoj estas enmetitaj en simbolan muron, kiu staras ĝuste en tre vigla strato de Prago, kie kaj enlandanoj kaj eksterlandaj turistoj multnombre promenadas kaj faras fotojn.

Ni sur la brikojn desegnas Esperanto-skribaĵojn. Ju pli da mono por la brikoj ni sukcesas kolekti, des pli granda reklamo por Esperanto poste estas en la praga strato videbla.

Pasintjare ni sukcesis kolekti monon por 51 brikoj kaj dum ĉiuj jaroj ni entute jam kolektis monon por 374 brikoj.

Kiam? La 31-an de julio 2024 je la 18.00

Kunvenloko: antaŭ la domo en Havířská 2

Kion kunporti? Entuziasmon, ĝojon, kaj monon! 

Unu briko kostas 250,- kronojn / 10 EUR

Se vi ne povas subteni mone, vi tamen venu kaj helpu desegni kaj plibonigi la etoson!!!

Se vi hazarde ne povas veni, sed vi volus subteni, vi povas sendi la monon al la kontoj:

35-8928170257/0100  (por pagi per kronoj)

aŭ

al banko Revolut

Aŭ vi povas skribi al e-mentalprago(ĉe)seznam.cz por interkonsenti, kiel transdoni la kontribuaĵon.

:

Post la desegnado sur la brikojn estos komuna vespermanĝo en restoracio Pho Duong Anh.