Ĉu vi scias, ke la 14-a de junio estas Monda Tago de sangodonantoj? Sed se vi nur donacis al kulo guton da via sango, tio ne estas ĝusta kialo por festi!

Ĉu vi scias, ke la 13-an de junio 1831 naskiĝis brita fizikisto James Clerk Maxwell ? Rememoru lin, kiam vi rigardos viajn fotojn, ĉar li estis la unua homo, kiu publikigis unuan koloran fotografion.

Ĉu vi scias, ke la 12-an de junio 1915 naskiĝis David Rockefeller, usona entreprenisto kaj unu el la plej riĉaj homoj de la  mondo? Ho, gratulon, kara David!!! Kiel vi fartas? Ĉu vi ne volas estis membro de nia klubo?

Ĉu vi scias, ke la 11-an de junio 1910 naskiĝis franca oceanografisto Jacques-Yves Cousteau? Dank´al lia marprotektado vi havas senĉese ŝancon, ke en maro mordos vin iu bela ŝarketo.

Ĉu vi scias, ke la 10-an de junio 1348 estis metita baza ŝtono de ĉeĥa burgo Karlŝtejn? Vizitu ĝin!

Ĉu vi scias, ke la 9-an de junio 1934 aperis por la unua fojo figureto de Donald Duck en filmo? Kaj ĉi vi vidis la unuan filmeton?

Ĉu vi scias, ke la 8-a de junio estas Monda tago de oceano?  Aŭskultu, kiel bele ĝi festante kirlas!

Ĉu vi scias, ke la 7-an de junio 1890 naskiĝis norvega  piloto, soldato kaj polusulo Hjalmar Riiser-Larsen? Se vi hazarde volus ekskursi tra Antarktido, eble ĝuste dank´ al li vi trovos ĝustan vojon, ĉar li mapis grandan parton de ĉi mondoparto. 

Ĉu vi scias, ke la 6-an de junio 1903 nasiĝis armena komponisto Aram Ĥaĉaturjan? Vi eraris, se vi ankoraŭ ne aŭdis lian Sabran dancon! 

Ĉu vi scias, ke la 5-a de junio estas Monda tago de klerigado de plenkreskuloj? Do klaku ĉi tie kaj ek!